من كلماتي***(طفل غزة)***

طفل يسال امه
يما شو الي صار
وين راح ابوي
امبارح كان بالدار
مشان الله يا امي
لا اتزيدي لي همي
جاوبيني يا مي
مشان الله يا امي لا اتزيدي همي
جاوبيني وامسحي دم جروحي
جاوبيني ورديلي روحي
طيب اقلك .....؟
اخوي اخوي
امبارح وعدني ياخدني معه
وانت طول عمري اتقوليلي اسمع كلمته
مش عارف يا امي
بحكي ودموعي سيل يا امي
واختي يا امي وينها
اختي لصغيرة يا امي
ليش ما صحتني اليوم الصبح
ليش ما ضربتي على وشي
وخلتني اصحي مصدوم
واصحى وصيح عليها
وعيونها تغمرها الدموع
احضنها واراضيها
ولو اتردي بروحي افديها
طيب يا امي ما جاوبتيني
وين راحوا ابوي واخوي واختي لصغيرة
راحوا وما اخدوني معهم
طيب يما انت ليش ما بتردي
يما جاوبيني مشان الله ردي عليا
نفسي اسمع صوتك
وتمسحي دموعي بكفوفك
يما صار نفسي اشوفك
وابوس اكفوفك
يما ردي
ولا اتقولي انك رحتي معهم
يما جاوبيني
مين رح يمسح دموعي
ويمسح ويضمد جروحي
يا امي جاوبيني
مشان الله جاوبيني
ولا اتقولي انك رح تتركيني
ايش ذنبي انا .......؟
ايش ذنب انا........؟
ذنبي اني طفل فلسطيني......!
ذنبي اني طفل فلسطيني.......!